Albert Alterziu, personi që mbeti i plagosur sot në Elbasan është me precedente penalë. Burime nga policia thanë se në orët e para të mëngjesit, rreth orës 04:00 një person ende i paidentifikuar hodhi një granatë dore në lokalin e Alterziut. Për pasojë 32-vjeçari mbeti i plagosur në ambientet e lokalit të tij, ndërsa tashmë ndodhet në spitalin e Elbasanit.
Mësohet se 32-vjeçari ka qënë i dënuar për një vrasje, ndërsa në 2013 ka mbetur plagosur me thikë.
Informacion paraprak i policisë për ngjarjen:
Në orët e para të mëngjesit në lagjen “Partizani”, Elbasan në ambjentet e një lokali është hedhur një granate dore e cila ka shpërthyer, dhe për pasojë është dëmtuar pronari i lokalit shtetasi A.A., rreth 32 vjeç, i cili ndodhej në lokal në ato momente.
I dëmtuari është transportuar në Spitalin e Elbasanit në gjendje të rëndë.
Grupi hetimor ndodhet në vendngjarje dhe po punon për, zbardhjen e rrethanave të ngjarjes si dhe identifikimin e kapjen e autorit/ve.
*Pamjet nga vendi i ngjarjes
