Një 17-vjeçar është vënë në pranga nga policia e Shkodres pasi ka qëlluar me armë drejt banesës së bashkëmoshatares.
Adoleshenti pasi është konfliktuar me 17-vjeçaren, për shkak se në mënyrë të vazhdueshme i hapte llogari false në rrjetet sociale, me të dhënat dhe fotot e saj, ka qëlluar me armë zjarri në drejtim të banesës.
Efektivët kanë kapur dhe arrestuar në flagrancë 17-vjeçarin dhe gjatë kontrollit të ushtruar në banesën e tij dhe ambientet përreth saj kanë sekuestruar edhe armën e zjarrit pushkë më të cilën dyshohet se ka qëlluar në drejtim të banesës.
Materialet iu referuan Prokurorisë së Rrethit Gjyqësor Shkodër, për veprat penale “Ndërhyrja në të dhënat kompjuterike“, “Kanosja“, “Armëmbajtja pa leje” dhe “Prishja e qetësisë publike”./Opinion.al
