Gazetarit Arjan Çani i kanë mbërritur me qindra mesazhe në celularin e tij që e njoftonin se dje, në pikun e sezonit turistik, jugu i vendit ishte pa energji elektrike. Qytetarët i kërkonin që ai ta bënte këtë gjë publike në televizion. Drejtuesi i emisionit Zonë e Lirë, i cili është me pushime, ka vendosur ta shpërndajë shqetësimin e pushuesve të bregdetit të jugut në faqen e tij në Facebook, duke u dhënë edhe një zgjidhje për situatën ku ndodhen. Ai i fton të reagojnë siç po bëjnë mijëra francezë këto ditë, për shkak se qeveria nuk i është përmbajtur kontratës që ka firmosur me ta në zgjedhje.
Postimi i Çanit:
Gjithe Jugu pa drita… Me qindra sms me kete ankese mu mbush imboksi i cel tim sot gjate gjithe dites… Me qindra shqiptare qe nuk i njoh, por e kane nr tim për shkak te emisionit, me kerkojne edhe ne keto caste qe te transmetoj erresiren ne ekran. Por duke qene se jam pushim keto jave deri ne shtator, thash te perdorja faqen time modeste te FB duke shkarkuar sado pak energjine e tyre negative virtualisht. Pastaj mendova: Pse ankohen keta njerez? Ne emer te ciles sakrifice kerkojne sherbime? Nga kush presin kete ndihme? Dhe ndersa pyesja veten, ne nje ekran te huaj, para syve te mi, derdheshin me qindra e mijera fermere franceze qe prej 4 ditesh kane bllokuar gjithe autostradat e Veriut te Frances sepse Qeveria e tyre nuk po arrin dot te respektoje kontraten qe ka firmosur me ta per te mbeshtetur prodhimet e tyre… Jugu yne qan. Veriu i tyre bllokon rruget.
