Vendi ynë do të vijojë të mbetet nën ndikimin e të ftohtit siberian me masa ajërore të thata dhe me origjinë kontinentale duke sjellë në vendin tonë, mot të kthjellët por të ftohtë. Orët e pasdites sjellin kalime vranësirash të lehta nëpër të gjithë territorin ku më të dukshme paraqiten në zonat malore Juglindore. Ky stabilitet i atmosferës do të na shoqërojë gjatë natës dhe deri mëngjesin pasardhës.
Sipas MeteoAlb, temperaturat e ajrit nuk do të pësojnë ndryshime të dukshme duke bërë që vlerat minimale dhe maksimale të luhaten nga -5°C deri në 13°C.
Era do të fryjë e lehtë dhe mesatare me shpejtësi 35 km/h verior – verilindor duke gjeneruar në brigjet detare dallgëzim 2 ballë./Opinion.al
