Një 47-vjeçar shqiptar është gjetur i pajetë të dielën në mëngjes në rrugën Sidoli të Milanos.
Mediat italiane shkruajnë se Ardjan Sulo u gjet në një park nga kalimtarët e rastit, të cilët njoftuan shërbimet e emergjencës.
Kur këta të fundit mbërritën në vendngjarje konstatuan se shqiptari kishte ndërruar jetë. Ndërkohë autoritetet policore bënë të mundur identifikimin e shqiptarit, si dhe nisën hetimet për vdekjen e tij.
Paraprakisht në trupin e Sulos nuk u konstatuan shenja dhune dhe dyshimet janë se ai gjeti vdekjen si pasojë e temperaturave të ulëta gjatë natës.
