Pak ditë më parë gjatë një konference, presidenti Ilir Meta publikoi një mesazh që i kishte dërguar kryeministri Edi Rama.
Rama i kishte shkruar Metës se pas zgjedhjeve të 30 qershorit Lulzim Basha nuk do të ishte më në krye të PD dhe kur Meta të mbaronte mandatin e Presidentit nuk do të gjente më gjurmë LSI-je.
Ndërkohë, lidhur me këtë mesazh ka reaguar kryetarja e LSI, Monika Kryemadhi, e cila shprehet se nuk ishte në dijeni të këtij mesazhi dhe se i kishte ngelur hatri me Metën.
Po ashtu, Kryemadhi deklaroi se pas përfundimit të mandatit të presidentit Meta do të futet në garë së bashku me të për postin e kryetarit të LSI.
“Mua nuk ma kishte treguar Meta mesazhin, i thashë se më ngeli hatri që s’ma ka treguar. Unë i thashë që kur të mbarosh mandatin e Presidentit të hyjmë të dy në garë dhe të shohim kush do të fitojë. çuditshme është si Rama kishte parashikuar si Basha nuk do ishte më kryetar i PD dhe si do zhdukej LSI, kur çuditërisht LSI u shtua. Fallxhore unë, fallxhor Rama, por mua më dalin fjalët, kurse atij jo. Unë nuk them që 85% janë LSI e PD, se nuk ka shanse”, tha Kryemadhi./ Opinion.al E.Xh.
