Daily mail ka publikuar një profil të sulmuesit që vrau pesë persona në Plymouth të Britanisë, mbrëmjen e së enjtes para se të kthente armën dhe të vriste dhe veten.
Ai ishte një YouTuber që e përshkruante veten në rrjetet sociale si “Terminatori”.
Më tej, artikulli vijon duke shkruar se Jake Davison, 23 vjeç, një bodybuilder, e ka cilësuar veten aspak tërheqës për femrat, madje është ndjerë edhe i përbuzur nga fqinjët e tij. Ai ka postuar video të shumta në Youtube duke kërcënuar dhe sharë gjininë femërore dhe madje duke folur për teoritë konspirative rreth njerëzimit.
Në orën 6 pasdite, Jake Davison u pa duke goditur derën e shtëpisë së tij, më pas ai hapi zjarr me një armë tip automatik mbi personat brenda, që besohet të jenë anëtarë të familjes së tij.
Më pas 23-vjeçari doli në rrugë duke qëlluar njerëz rastësisht. Policia tha se viktimat ishin tre gra, dy burra dhe një fëmijë i mitur. Ndërkohë, lidhur me ngjarjen autoritetet konfirmuan se nuk ka lidhje me terrorizmin.
Një deputet tha se një nga të vrarët ishte një fëmijë nën 10 vjeç ndërsa shumë njerëz po trajtoheshin në spital. Deputeti i Plymouth Sutton & Devonport, Luke Pollard deklaroi se incidenti ishte “tmerrshëm i papërshkrueshëm” dhe se ai ishte “plotësisht i shkatërruar” kur mësoi se mes të vdekurve ishte edhe një fëmijë.
Në një deklaratë, Policia e Cornëall tha se “Zona është e rrethuar dhe policia nuk po kërkon askënd tjetër në lidhje me incidentin.”
