Banorët e një fshati në Indi mendojnë se ky djalosh 6-vjeçar është rimishërimi i perëndisë Hindu pasi një gjendje e rrallë shëndetësore e ka lënë me një ballë super të stërmadh dhe sy shumë të vegjël.
Pranshu, nga Jalandhar nga Punjab, ka lindur me një gjendje të tillë mjekësore dhe nuk është i aftë të ecë.
Banorët e fshatit mendojnë se ai është një krijesë hyjnore dhe rimishërimi i perëndisë Ganesha. Ganesha e cila mbi trupin e saj njerëzor ka kokën e një elefanti është perëndia e fatit të mirë e cila sjell begati, pasuri dhe sukses.
Sipas babait të Pranshusë, Kamleshit, ngjashmëria e të birit me perëndinë Ganesha ishte mjaft e dukshme që në momentet e para që ai lindi. Ai beson gjithashtu se i biri është një perëndi.
“Unë i përkulem atij siç bëjnë të gjithë banorët e tjerë. Trupi i tij është ai i perëndisë Ganesha. Të gjithë ata që vijnë e takojnë, pas disa kohësh dëshirat e tyre plotësohen. Ai shkon në shkollë çdo ditë dhe të gjithë e mirëpresin me lule“, tha ai.
Përpara djaloshit përkulen të gjithë banorët e fshatit duke përfshirë këtu dhe mësuesit e tij.
Ai takon përpara një tempulli një tufe njerëzish çdo të enjte, të cilët i falen.
“Për të takuar Pranshunë vijnë shumë njerëz sepse besojnë se ai është rimishërimi i Ganeshas. Shumë njerëz i ulen në gjunjë atij duke më përfshirë dhe mua në këtë rreth”, tha Jaswinder një banor i zonës.
Ata e thërrasin me nofkën “Perëndi Ganesha”.
Pranshuja është mësuar me rolin e një perëndie mirëbërëse dhe di si të sillet me turmën.
“Unë i ngjaj Ganeshës dhe askush nuk ma di emrin e vërtetë. Mësueset në shkollë më duan dhe asnjë nuk më tall sepse besojnë se jam perëndi Ganesha. Jam i lumtur që njerëzit më thërrasin ashtu dhe nuk jam i mërzitur aspak për pamjen time”, u shpreh ai.
