Pasi votoi në ambientet e selisë blu për zgjedhjen e kreut të ri të PD-së, ish-kryeministri Sali Berisha dha një deklaratë për mediat.
Berisha e cilësoi procesin si historik, ndërsa u bëri thirrje anëtarëve të PD për të votuar.
“Së pari përshëndes demokratët, komisonerët e 108 QV në mbarë Shqipërinë dhe iu uroj të marrin pjesë të gjithë në këtë proces historik. Jo vetëm për PD por edhe për Shqipërinë. Të votojnë sipas vullnetit të tyre të lirë dhe ndërgjegjes për kandidatin që duam, është proces historik, jo vetëm për PD, por për mbarë Shqipërinë. Është një proces që finalizon triumfin e vullnetit të anëtarëve të kësaj partie me votën e tyre”-tha Berisha.
Teksa u pyet nga gazetarët nëse i druhet vendimit të Gjykatës së Apelit nëse zgjidhet sot në krye të PD, ish-kryeministri u përgjigj:
“Nuk ka vendim që mund të ndalë këtë mision historik të demokratëve shqiptarë”./Opinion.al
