Bota

I doli zjarrit para me traktor, fermeri hero shpëtoi nga flakët banesën e fqinjit



Bëhu pjesë e Grupit Zyrtar të Opinion.al
>> KËTU <<
               Publikuar në : 15:06 - 24/07/22 |
Opi Nion

Një fermer britanik është cilësuar si hero pasi shpëtoi shtëpinë e fqinjit të tij nga djegia si pasojë e zjarrit të rënë në arën me elb mesditën e së shtunës.

Bill Alexander është filmuar teksa vazhdoi të punonte tokën me zejtorin e tij për të penguar flakët që të përhapeshin në fushë.

Ai ka qenë vetëm pak metra larg zjarrit, ndërsa për të shpëtuar shtëpinë e fqinjit vuri në rrezik jetën e tij.

Videoja u kap nga pronari i fermës Andy Barr, i cili lavdëroi “fqinjin e tij të mirë” për aktin e tij guximtar.

Zjarri i madh u përhap me shpejtësi në 20 hektarë tokë pranë Maidstone, Kent.

Sipas raportimit të mediave britanike, flakët mund të shiheshin nga milje larg, ndërsa zjarri vazhdonte të përhapej duke u ndihmuar dhe nga era.

Një zëdhënës i shërbimit zjarrfikës tha: “Na u dërguan raporte për një zjarr të rënë në fusha në Lenham Heath.“Ekuipazhet punuan shumë për të vënë nën kontroll zjarrin, i cili përfshiu afërsisht tetë hektarë tokë. Zjarri është vënë nën kontroll dhe është shuar. Zjarrfikësit kanë shoqëruar personat që ndodheshin në afërsi të flakëve për siguri. Nuk raportohet për të lënduar”, tha zëdhënësi i shërbimit zjarrfikës. Zjarri i djeshëm vjen pas një vargu zjarresh që shpërthyen gjatë valës së të nxehtit të javës së kaluar që pa britanikët të zhyten në ditën më të nxehtë që nga fillimi i regjistrimeve./Opinion.al

 

Pas