Aktualitet

I doli emri në përgjimet e SPAK/ Mjeku: S’kam lëshuar certifikatë apo epikrizë



Bëhu pjesë e Grupit Zyrtar të Opinion.al
>> KËTU <<
               Publikuar në : 10:19 - 13/06/22 |
Opi Nion

Mjeku Aurel Vula ka bërë një deklaratë publike pasi i doli emri në përgjimet e SPAK për trafikimin e ilaçeve në rrugë kontrabandë nga Italia, mashtrim dhe falsifikim për shërbim shëndetësor në Itali.

Në një postim në rrjetet sociale, mjeku ka hedhur poshtë akuzat ndërsa është shprehur se në Itali ka shkuar për probleme familjare, pasi prindërit e bashkëshortes së tij ishin për kurim në shtetin fqinj, për probleme shëndetësore.

Në deklaratë mjeku ndër të tjera është shprehur se asnjëherë nuk ka lëshuar asnjë certifikatë apo epikrizë përcjellëse për pacientë të sugjeruar për shtrim në Itali.

DEKLARATË PUBLIKE

Duke marrë shkas nga njoftimi i bërë publik ditët e fundit nga autoritetet e drejtësisë italiane dëshiroj t’i bëj të ditur publikut shqiptar si vijon:

Përfshirja e personit tim dhe familjarëve të mi në këtë njoftim nuk ka asnjë lidhje me realitetin e ndërtuar në media këto ditë.

Për të qënë transparent, arsyet e vizitave tona familjare në Itali kanë qënë krejtësisht shëndetësore, të lidhura me rrezikimin e jetës së dy prindërve të bashkëshortes sime. Të dy këta të fundit i janë nënshtruar ndërhyrjeve të përsëritura kirurgjikale në zemër nga ku nëna e bashkëshortes humbi edhe jetën. Të gjitha këto ngjarje shëndetësore janë të dokumentuara nga autoritetet spitalore italiane. Nisur nga drama familiare për humbjen e njëriut të afërt, kjo ngjarje krijon sensitivitet të lartë për mua dhe familiarët e mi.

Unë jam mjek pediatër dhe me përgjegjshmëri të plotë deklaroj se në asnjë moment:

➢ Nuk kam lëshuar asnjë çertifikatë apo epikrizë përcjellëse për pacientë të sugjeruar për shtrim në Itali;

➢ Nuk kam lëshuar asnjë dokument të çfarëdolloj natyre që të mund të lehtësonte procedurat e kalimit të kufirit të shtetasve shqiptarë gjatë kohës së pandemisë në shtetin Italian;

I lutem të gjitha mediave të respektojnë integritetin tim profesional dhe moral të cilin e kam ndertuar me përkushtim dhe sakrifica në çdo kohë në ndihmë të çdo pacienti, pa lënë mënjanë kontributin gjatë periudhes së pandemisë si pasojë e Sars-Cov 19.

Në të njëjtën kohë, falenderoj të gjithë dashamirësit të afërm , kolegë dhe pacientët e mi për mbështetjen e treguar me anë të mesazheve dhe telefonatave të panumërta gjatë këtyre ditëve.

Me besimin e plotë tek drejtësia,

Aurel Vula

Pas