Ish-presidenti Ilir Meta, drejtuesi aktual i Partisë së Lirisë, ka reaguar pasi emri i tij doli në letrën e Autoritetit për Informimin mbi dokumentet e ish-sigurimit të Shtetit, drejtuar kryetares së Kuvendit Lindita Nikolla.
Ai e ka quajtur Autoritetin “e manipulimit dhe kriminalizimit të Dosjeve”.
“S’mund t’i shmangem një përgjigje pavarësisht se s’ka shqiptarë mbi këtë tokë që nuk e kupton që me këtë akt vetëvrasës, se autoriteti dosjeve, është autoritet moral para se të jetë ligjor, se të është besuar detyra të trajtosh të kaluarën e dhimbshme e persona të prekur apo implikuar, në mënyrë të vullnetshme e kërkojnë ti shpëtojnë filtrit e të vijojnë të kontribuojnë në jetën publike, edhe të ngushëllosh viktimat, të prekurit e asaj periudhe. Kjo është vetëm për të ardhur keq për Autoritetin të manipulimit dhe kriminalizimit të Dosjeve se ata e dinë më mirë se kushdo që çfarë ka sa e vërtetë e sa e manipuluar është në ato dosje që thonë ata”,-tha Meta.
