Ditën e sotme u arrestua djali i deputetit Rrahman Rraja. Rexhep Rraja u akuzua për dhunë dhe përndjekje ndaj ish-të dashurës së tij. Menjëherë pas reagimit të kryeministrit Rama, vjen edhe reagimi i deputetit Taulant Balla. Emri i këtij të fundit u lakua në lidhje me çështjen. Balla u akuzua nga ish oficeri Nuhu, për ndërhyrje në mbylljen e çështjes.
Ai ka shkruar në Facebook se ai nuk e pengon dhe as nuk proteston kundër prokurorisë, por e mbështet atë./Opinion.al
Statusi i plotë:
Përpara ligjit ne jemi të gjithë të barabartë përveç Saliut, Lulit dhe atyre që i shpëtuan prokurorisë, fale Saliut dhe Lulit që nuk i zbatonin urdhërat e organit të akuzës.
Barazia para ligjit për ne nuk është sllogan po parim themelor në fjalën tonë, në reformat dhe qendrimet tona.
Ndalimi i djalit të deputetit na ndan qartë edhe njëherë nga ata që kemi përballë!
Sepse jo vetem nuk e pengojmë prokurorinë dhe as protestojmë kundër saj, po e mbêshtesim plotësisht.
Drejtësia duhet ta thotë fjalën e saj deri në fund dhe shpresoj shumë që edhe autorët dhe heroi i Babale dyshit të marrin atë që ju takon nga organi i akuzës!
