Një shqiptar i diplomuar për Arte në Shqipëri, është arrestuar në Angli pasi u kap në një ‘shtëpi bari’ në Durham, duke u kujdesur për rritjen e kanabisit.
Kleon Zeneli u arrestua pas një kontrolli rutinë të ushtruar nga një agjent imobiliar, në adresën në Bowburn. Gjykata e Durham Crown dëgjoi se agjenti vizitoi shtëpinë në Clarence Street më 14 dhjetor të vitit të kaluar.
Chris Morrison, prokuror, tha se i pandehuri u gjet në papafingo, ku po kultivohej kanabis, me bimë të tjera të gjetura në dy dhoma gjumi në katin e sipërm, ku kishte edhe pajisje të ndryshme kultivimi. Agjenti thirri policinë dhe arrestoi të pandehurin, shkruajnë mediat britanike.
Një total prej 50 bimësh u gjetën, të gjitha midis 1 dhe 2 këmbë lartësi, dhe u konsiderua se rritja kishte qenë në veprim për disa kohë.
Morrison tha se sistemi i energjisë elektrike u kontrollua dhe u zbulua se ishte ndërhyrë, “qartë për të fuqizuar funksionimin”. Zeneli nuk u përgjigj pyetjeve të policisë se pse ishte aty dhe çfarë po bënte.
I pandehuri, 24 vjeç, u tha se ishte një shtetas shqiptar i cili po qëndronte ilegalisht. Zeneli u deklarua fajtor si për prodhimin e një droge të klasit B dhe për vjedhjen e energjisë elektrike kur u paraqit para gjykatësve më 19 janar.
