Një 61-vjeçar është arrestuar nga policia e Vlorës si pasojë e drejtimit të automjetit në gjendje të dehur.
Sipas policisë 61-vjeçari me iniciale P.Ç si pasojë e gjendjes së tij të dehur i ka dhënë gaz pa pushim në mënyrë të pakontrulluar makinës tip Renault duke bërë që motorri të përfshihen nga flakët duke e djegur më pas të gjithë automjetin.
Danlimi i tij u bë në rrugën Novoselë-Akërni. Ai akuzohet për veprën penale “Drejtimi i automjetit në mënyrë të parregullt”.
Njoftimi i policisë
Policia ka arrestuar në flagrancë shtetasin P.Ç., 61 vjeç banues në Vlorë. Arrestimi i tij u bë në rrugën Novoselë-Akërni, pasi duke drejtuar automjetin tip Renault në gjendje të dehur si pasojë e dhënies gaz pa pushim në mënyrë të pakontrolluar, ka marrë flakë motorri e si pasojë mjeti është djegur plotësisht. Materialet iu referuan Prokurorisë në ngarkim të tij për veprën penale “Drejtimi i automjetit në mënyrë të parregullt”./Opinion.al/
