Britanikja “Mirror” ka sjellë për publikun historinë e personit që ka qëndruar më gjatë në spital në Britani duke u trajtuar nga Covid-19.
Steve White, 56 vjeç, u shtrua në spital më 19 mars, katër ditë pasi kishte rezultuar pozitiv me koronavirus.
Gjendja e tij u rënduar dhe në mes të muajit prill, mjekët i thanë familjarëve të 56-vjeçarit se ai ka vetëm një përqind shanse të mbijetojë. Por fëmijët e tij iu lutën mjekëve që ta mbanin babanë e tyre edhe për disa ditë në respirator.
Steve White qëndroi për 63 ditë në kujdesin intensiv, ku në jetë e mbajti vetëm një respirator.
Pas një betejë prej 92 ditësh në spital, babai i dy fëmijëve është rikthyer në shtëpinë e tij në Herefordshire, Angli
“Ata kurrë nuk më braktisën. Unë u kam borxh jetën time fëmijëve dhe mjekëve. I gjithë stafi i spitalit më quajti një hero, por ata janë heronjtë e vërtetë. Ishin ata që më mbajtën gjallë”, është shprehur 56-vjeçari, i cili është personi që ka qëndruar më gjatë në spital në Britani, i prekur me koronavirus.
Ai nuk kujton shumë nga koha e tij në spital, ndërsa e përshkroi përvojën e tij si të frikshme edhe pse nuk ia kishte idenë se çfarë po ndodhte.
“Dua t’u jap shpresë personave të tjerë të sëmurë me Covid-19 dhe familjeve të tyre. Kurrë mos u dorëzoni”, është shprehur Steve White pasi u rikthye në shtëpi. /Opinion.al
