Qyteti i Korçës u trondit mbrëmjen e së dielës nga breshëri automatiku. Sipas policisë lokale iu bë atentat 29-vjeçarit Mateo Aliko, por fatmirësisht nga të shtënat në drejtim të automjetit tip “Touareg” me targa AA915KP, nuk pati të lënduar, për shkak se mjeti ishte e parkuar.
29-vjeçari rezulton një person me precedentë penalë. Ngjarja ndodhi teksa Aliko, bashkë me një person tjetër ndodheshin vetëm pak metra larg makinës, ndërsa ishin drejtuar drejt saj, në momentin që drejt tyre u hap zjarr.
Lidhur me këtë ngjarje hetimet janë në vijim, pasi Aliko muajt e fundit kishte dalë nga burgu, për shkak se ishte dënuar me shtatë vite, për një grabitje në një pikë bixhozi, në aksin rrugor Dishnicë-Korçë. Gjatë ngjarjes, në atë kohë, mbetën të plagosur tre persona./ Opinion.al
