Prokuroria e Vlorës ka sekuestruar miliona euro pasuri në pronësi të shtetasit me inicialet R.Z.
Në njoftimin zyrtar të prokurorisë bëhet me dije se nga të dhënat e administruara deri më tani, rezulton se shtetasi R.Z. është person i dënuar nga autoritetet gjyqësore të Italisë, për veprat penale “Prodhim dhe trafikim i drogës”dhe “Prodhim dhe shpërndarje e drogës”.
Prokuroria Vlorë ka dyshime të arsyeshme se të ardhurat e paligjshme të përfituara nga aktiviteti kriminal i zhvilluar në shtetin Italian, janë investuar në blerjen e pasurive të paluajtshme në qytetin e Vlorës.
Si rrjedhojë Gjykata e Rrethit Gjyqësor Vlorë, ka vendosur “Caktimin e masës së sigurimit pasuror të sekuestros preventive” për pasuritë: 2 njësi sipërfaqe toke, tetë apartamente, 1 garazh, 2 pasuri të paluajtshme të llojit “Tokë arë”, 1 pasuri e paluajtshme e llojit “Truall”, 1 pasuri e paluajtshme e llojit “Bodrum”, me sipërfaqe prej 181m², pasuri e paluajtshme “shtesë 4-kate” si dhe një automjet të markës BMW./Opinion.al
