Një 27-vjeçar është arrestuar nga Policia e Kukësit pasi ishte shpallur në kërkim për disa vepra penale.
Mësohet se i arrestuari është identifikuar me inicialet E.O., ndërsa akuzohet për “Shkatërrimi i pronës” dhe “Kundërshtimi i punonjësit të policisë së rendit publik”.
Për këto akuza, i riu është dënuar me 5 muaj burg nga Gjykata e Kukësit.
“Kapet dhe ndalohet 27-vjeçari i dënuar me 5 muaj burg, për veprat penale “Shkatërrimi i pronës” dhe “Kundërshtimi i punonjësit të policisë së rendit publik”. Efektivët e DVP Kukës, në vijim të punës për kapjen e personave në kërkim dhe vënien e tyre para përgjegjësisë ligjore, kanë kapur dhe ndaluar shtetasin e shpallur në kërkim E.O, 27 vjeç, banues në Kukës. Gjykata e Rrethit Gjyqësor Kukës, e ka dënuar me 5 muaj burg, për veprat penale “Shkatërrimi i pronës” dhe “Kundërshtimi i punonjësit të policisë së rendit publik“”, thuhet në njoftimin e policisë./ Opinion.al
