Një 37-vjeçar është ekstraduar nga Gjermania. Elton Sako duhet të vuaj dënimin në Shqipëri me 9 vite burg.
Elton Sako, në bashkëpunim me Serxho Muho dhe Luan Maçin në vitin 2012 kanë hyrë në banesën e shtetasit Veledin Brahimi për ta vjedhur, ndërsa aty kanë gjetur vajzën e tij të mitur 13-vjeçare.
Nën kërcënimin e armëve dhe të maskuar kanë vjedhur një sasi bizhuterish.
Vajza e mitur është gjetur nga prindërit në shtëpi në gjendje shoku. Fillimisht janë arrestuar Serxho Muho dhe Luan Maçi, ndërsa Elton Sako sapo mësoi arrestimin e shokëve të tij u largua nga Shqipëria./ Opinion.al
