Kronikë

I denjë për një skenar filmi, si u zbuluan shqiptarët me 1.2 ton kokainë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:20 - 27/01/20 |
Al Do

Plani për të sjellë ngarkesën mbi 1 ton kokainë nga Amerika Latine në Greqi ishte përgatitur që në shtatorin 2018 ndërsa grupi i trafikantëve që e kishte porositur përbëhej nga shqiptarë dhe vetëm një person me origjinë arabe.

Sipas dosjes, pjesë të së cilës janë zbuluar nga media greke protothema dy agjentë të anti-drogës në Greqi kanë mundur të infiltrohen në grupin e trafikantëve. Gjatë këtij operacioni ata janë njohur me emrat “Stratos Triantis” and “Kyriakos Stratias”.

Në shtator të vitit 2018, Alfred. A, është interesuar në zonën e Astakos në Greqi për një mjet lundrues për llogari të drejtuesit të grupit i njohur me pseudonimin “Aguaverde ose Doktori”. Ai ka takuar Stavro Trantis i cili i është prezantuar si kapiteni i anijes. Marrëveshja mes tyre ishte që Trantis të merrte përsipër të transportonte sasinë e drogës, megjithatë deri në këtë moment ai nuk dinte sasinë dhe as emrat e personave të përfshirë në këtë rrjet trafiku.

Prej momentit kur Trantis merr aprovimin e eprorëve të tij për të ndërmarrë “detyrën” në këtë operacion ngjarjet që zhvillohen i shkojnë për shtat filmave hollivudianë.

Aflred A. siguron anijen “Barracuda 7” dhe në dhjetor të vitit 2018 u planifikua që Stratos Triantis sëbashku me Arben B të udhëtonin drejt ishujve Las Palmas në Spanjë ku do të zhvillohej takimi mes krerët e grupit.

Udhëtimi ka zgjatur katër ditë në det të hapur nga 4 dhjetori 2018 deri më 8 dhjetor 2018. Arben B ishte personi që mbante kontakte të vazhdueshme me drejtuesit e grupit përmes një pajisjeje të enkriptuar e cila nuk mund të përgjohet.

Pas mbërritjes në Spanjë, Trantis dhe Arben B. Takojnë 5 ditë më vonë në portin e Tenerifes një nga bosët e grupit me nofkën “Doktori”, Kristaq Z dhe Eduart L.

Oficerët e policisë spanjolle po i vëzhgonin ata kështu që u ra dakord që të mos merret asnjë vendim nëse udhëtimi do të kryhej ose apo jo.

Të nesërmen, njëri nga të dy drejtuesit  e grupit u nis nga Tenerife për në Barcelonë. Më parë, anija ishte inspektuar plotësisht për çdo pajisje gjurmuese.

Vendimi përfundimtar nëse Trantis do të kryente ose jo trafikimin e sasisë së kokainës u ra dakord që të merrej pasi anëtarët e organizatës kriminale do të mbërrinin në Karaibe.

Në prill të 2019, pas disa takimeve në Tiranë dhe Barcelonë grupi vendosi që të çojë para aksionin duke porositur fillimisht sasinë e kokainës në Amerikën Latine.

Ngarkesa do të transportohej me hidroplan nga Amerika Latine deri në ishujt Karaibe ku do të ngarkohej në anijen e Trantis, por këtë herë jo me mbishkrimin “Barracuda 7” por “Belle ISA”.

Arben B. i cili ishte personi kryesor në logjistikën e operacionit, telefonin Stratos Triantis për ti thënë se do të duhej të transportonte ngarkesën nga ishujt Karaibe. Ai ka udhëtuar drejt Karaibeve dhe më 20 nëntor 2019 nga ishulli Martinika për në Shën Visent së bashku me Arben B.

Pak ditë më vonë mëngjesin e 11 dhjetorit 500 milje larg Surinamit një peshkarexhë është afruar me anijen e drejtuar nga Trantis duke e furnizuar me pakot e kokainës që kishin destinacion Greqinë.

Më 12 dhjetor, anija niset për në Greqi ku mbërrin pas disa ditësh dhe ankorohet në zonën e Agrinios në qytezën e Astakos.

Deri tani nga ky super operacion i zhvilluar nga anti-droga greke, shqiptare, spanjolle dhe DEA amerikane janë arrestuar më 24 janar 2020 Sandër Pemaj, Arbër Përdedaj, Lek Doda, Maksim Preçi, Erjon Tuci, Erlind Zotaj dhe Vanda Ciubara e dashura moldave e një prej shqiptarëve kishin rolin e pritjes, akomodimit dhe ruajtjes së drogës.

Si krerë të grupit janë cilësuar shqiptari me pseudonimin “Doktori” dhe personi me origjinë arabe Soufiane Hadduoti ndërsa lidhja mes grupeve bëhej nga Arbër Përdedaj.

Tashmë pritet që këtij grupi ti sekuestrohen pasuritë dhe të arrestohen personat e shpallur në kërkim. /Opinion.al

Pas