Ashtu siç pritej, Khloe Kardashian ka fshirë nga Instagrami të gjithë fotografitë e publikuara kohët e fundit me ish-të dashurin e saj, Tristan Thompson, pasi u raportua se ai e kishte tradhtuar me mikeshën e afërt të familjes, Jordyn Woods, gjatë një feste.
Khloe ka fshirë në profilin e saj të rrjetit social çdo fotografi me basketbollistin që nga muaji prill. Madje ajo ka fshirë edhe foton me buqetën me lule në formën e zemrës, që Tristan i bleu për Shën Valentin.
Fotot e fundit që Khloe ka lënë me Tristan janë të realizuara në mars gjatë festës së “baby shower”-it dhe në muajin prill të 2018-s, disa javë para se të zbulohej tradhtia e tij e bujshme./E.M
