Edhe pse e jurisë së spektaklit “Love Story”, Robert Aliaj nuk beson se djali i tij të mundet të gjejë një partnere mes vajzave që janë pjesë e këtij formati.
Sipas tij Kristi ka modele femërore të ndryshme nga vajzat që janë aty, ndërsa pohoi se ai vetë nuk ka qenë dakord që i biri të përfshihej në këtë spektakël.
“Nuk përjashtohet por se besoj që do ta gjejë aty. Kristi është shumë special ka modele femërore që nuk korrespondon aty”, është shprehur Aliaj.
“Unë nuk kam qenë dakord që Kristi të merrte pjesë. Ai është më i thellë, mirëpo Kristi duke qenë se është “monstër” i pëlqen të bëjë eksperimente sociale, i pëlqen të kuptojë si funksionojnë njerëzit në Shqipëri dhe nuk e di nëse ata aty do ta kuptojnë që ai është në linjën e eksperimentimit”, tha Roberti gjatë një interviste për Jonida’s Room me këngëtaren Jonida Maliqi./Opinion.al
