Ka ndërruar jetë personi që u qëllua me armë në lagjen “Guerrile” pranë ish-shkollës veterinare në Shkodër.
Sipas Klan news, viktima është Ismet Çekorja babai i Bajram Çekores, i cili është shpallur në kërkim nga Policia e Shkodrës si një nga autorët e atentatit të dështuar ndaj Alban Bruçit.
Para katër ditësh, Ismet Çekorja në një deklaratë për mediat mohoi akuzat që rëndojnë ndaj djalit të tij duke pretenduar se nuk janë të vërteta.
Ai u shpreh se djali i tij, mbrëmjen e 25 gushtit në orën kur ka ndodhur atentati, ndodhej në një mjedis i monitoruar nga kamerat e sigurisë.
Alban Bruçi u qëllua me 19 plumba më 25 gusht në Shkodër, por arriti që të shpëtojë pa u plagosur.
25-vjeçari shkoi vetë në polici dhe bëri një kallëzim për këtë atentat për të cilin policia ka shpallur në kërkim shtetasin Bajram Çekorja dhe Tonato Fushën.
