Një 27-vjeçar shqiptar i shpallur në kërkim ndërkombëtar prej katër vitesh është arrestuar nga autoritetet greke.
Protothema. gr bën me dije se ndaj të riut ishte lëshuar një urdhër-arresti nga autoritetet shqiptare për vrasje dhe deklarim të rremë. Ai kishte arritur që të arratisej nga Shqipëria dhe të strehohej në Greqi për ti shpëtuar arrestimit.
27-vjeçari shqiptar u kontrollua në Gythio nga efektivët e policisë greke mbrëmjen e së premtes dhe kur u konstatua se ndaj tij ishte lëshuar urdhëri-ndërkombëtar, u arrestua dhe u dërgua në Prokurorinë e Apelit të Kalamatës. Tashmë kanë nisur procedurat për ekstradimin e tij.
