Ndonëse shteti shqiptar ka dërguar 3 kërkesa për ekstradim drejt Emirateve të Bashkuara Arabe, Florenc Çapja prej 12 Korrikut është lënë i lirë. Sikurse mësohet ai tashmë ka një leje qëndrimi dhe është i punësuar në këtë shtet.
I akuzuar për vrasjen e dyfishtë të Nezir dhe Gentian Beqiri (babë e bir) në vitin 2012, Çapja ka qëndruar për një periudhë kohe nën mbikëqyrje në një banesë në Dubai, por tashmë është lënë i lirë.
Një ditë më parë Gjykata e Posacme vendosi të vecojë cështjen ndaj tij dhe Olsi Lekut nga të pandehurit e tjerë lidhur me vrasjen, me argumentin se Florenc Capja nuk ka marrë dijeni për këtë proces. Vetë Çapja përmes një e maili dërguar Gjykatës Kundër Korrupsionit dhe Krimit të Organizuar, ka bërë të ditur se nuk ka marrë asnjë dijeni për procesin që po zhvillohet ndaj tij në Shqipëri.
Kujtojmë se rasti i Florenc Çapjas është i dyti brenda disa muajsh që merr refuzimin e ekstradimit nga Dubai. Pak kohë më parë, i lirë në këtë shtet u la edhe kunati i Lulzim Berishës, Plaurent Dervishaj./Opinion.al
