Është ekstraduar nga Spanja drejt Shqipërisë një 37-vjeçar i shpallur në kërkim ndërkombëtar i akuzuar për veprat penale “Vrasja në rrethana cilësuese”, kryer në bashkëpunim, mbetur në tentativë dhe “Prodhimi dhe mbajtja pa leje e armëve luftarake dhe e municionit”.
Për shtetasin Enkeli Kertalli Gjykata e Durrësit ka caktuar masën e sigurtisë “arrest me burg”. Shtetasi E. K., në gusht 2017, në Shijak, Durrës, në bashkëpunim me shtetasin M. B., ka qëlluar me armë zjarri në drejtim të automjetit që drejtohej nga shtetasi Dashamir Gjoka.
37-vjeçar i ekstraduar iu dorëzua Drejtorisë së Përgjithshme të Burgjeve, për kryerjen e veprimeve të mëtejshme procedurale.
