Prokuroria e Elbasanit ka shpallur moskopetencën dhe ka dërguar në SPAK dosjen e Nuredin Dumanit.
Hetuesit kanë ngritur akuzën ndaj tij për pjesëmarrje në grup të strukturuar kriminal, ndaj dosja e tij ka në SPAK.
Dumani u arrestu mbrëmjen e 29 Marsit në një apartament në qytetin e Fierit, ku jetonte bashkë me të dashurën e tij nga Kosova. Ai u vu në pranga i plagosur pasi para arrestimit i kishte shpëtuar një atentati me armë zjarri në zonën e Papërit në Elbasan.
Kujtojmë se Nuredin Dumani dhe Talo Çela qëndrojnë pas disa vrasjeve që kanë ndodhur nga Pranvera e 2020-ës e në vijim, fillimisht si bashkëpunëtor e më pas si kundërshtarë.
Dosja kryesore në të cilën Dumani akuzohet si bashkëpunëtor i Talo Çelës, është ajo e vrasjes së dy vëllezërve Haxhia në Pranverën e 2020-ës e cila rezultoi të kishte motiv lekët e grabitura në Rinas.
Pas kësaj vrasje, dyshohet se marrëdhënia e tyre u prish, teksa Prokuroria e Elbasanit beson se Dumani është ekzekutor i Bujar Çelës, vëllait të Talo Çelës.
Gjithashtu, Nuredin Dumani dyshohet edhe për vrasjen e shtetasit Klevis Kapllani më Rrogozhinë, ndërkohë është i skeduar për disa ngjarje të tjera në Elbasan.
