Futbollisti shqiptar Elseid Hysaj do të jetë lojtar i ri i Lazio. Palët kanë arritur akordin parimor dhe tashmë pritet vetëm firma në kontratë.
Pas largimit me parametër zero nga Napoli, mbrojtësi shqiptar pritet të firmosë kontratë 4-vjeçare, me opsion rinovimi edhe për vitin e pestë.
Sipas marrëveshjes, 27-vjeçari do të përfitojë 2,5 milionë euro rrogë në sezon, të cilave u shtohen edhe bonuset për paraqitjet individuale dhe rezultatet e skuadrës. Me llogari të thjeshta, vetëm nga kontrata bazë për katër sezone, ylli i Kombëtares shqiptare do të përfitojë 10 milionë euro rrogë.
