Kapiteni i Kombëtares Shqiptare, Elseid Hysaj, ishte një nga lojtarët më të mirë në fitoren ndaj Juventusit, gjë e cila ka ngjallur përsëri interesimin e Napolit.
Më herët mediat folën për largimin e shqiptarit nga ky klub, por me uljen në stol të trajnerit Gennaro Gattuso, duket se mbrojtësi kuqezi ka rigjetur formën e tij më të mirë.
Agjenti i futbollistit, Mario Giuffredi po punon për rinovimin e kontratës së Hysaj.
“Me ardhjen e Gattuso-s mendoj se klubi është i të njëjtit mendim. Rinovimi nuk do të jetë kurrë problem. Nëse Napoli kërkon ta bëjë atëherë ne jemi dakord. Në të kundër nëse marrin përgjigje negative, Hysaj do të largohet këtë verë”, kanë qenë fjalët e agjentit lidhur me të ardhmen e mbrojtësit shqiptar./ Opinion.al
