Të gjithë konsumatorët familjarë që harxhojnë deri në 700 kilovat orë energji në muaj, nga sot do të paguajnë 8.5 Lekë për kilovat orë, që do të thotë 1 Lekë më pak sesa ishte.
Ndërsa ata abonentë që kalojnë mbi 700 kilovat orë në muaj, do ta paguajnë 9.5 Lekë kilovat orën për të gjithë sasinë e energjisë së konsumuar. Çmimi i ri u miratua më 8 Janar nga Enti Rregullator i Energjisë.
Ulja e çmimit do të prekë vetëm kategorinë e konsumatorëve familjarë, duke përjashtuar kategoritë e tjera si bizneset, institucionet buxhetore dhe jobuxhetore. Ndryshime nuk do të ketë as për furrat e bukës.
Sipas vendimit, për konsumimin e mbi 700 kw/orë vijon tarifa 9.5 lekë. Aktualisht çmimi i energjisë për abonentët familjarë është 9.5 lekë për kilovat pa TVSH, ndërsa me TVSH arrin në 11.4 lekë.
Tarifa e re e energjisë e elektrike që hyn në fuqi nga dita e sotme do të aplikohet deri në 31 Dhjetor të këtij viti.
