Mediat turke e bëjnë fakt të kryer, por lojtari e mohon kategorikisht. Gjatë ditës së sotme portalet në Turqi kanë njoftuar se mesfushori shqiptar, Jahmir Hyka, ka arritur marrëveshjen me klubin e Kaiserisporit, që militon në Superligën vendëse.
Website pranë këtij klubi “kayserispor.org.tr”, raportonte pak orë më parë se nesër lojtari do të udhëtoj drejt Stambollit për të firmosur kontratën.
I kontaktuar nga “Panorama Sport”, Hyka mohoi gjithçka.
“Jam i habitur, më kanë shkruar në ‘Facebook’ shumë njerëz. Është e çuditshme, por nuk ka asgjë të vërtetë. Unë jam lojtar i Luzernës dhe nuk kam diskutuar kurrë me klubin e Kaiserisporit.
Realisht është qesharake që arrihet të shkruhet se unë kam arritur marrëveshjen. E ritheksoj, është e pavërtetë”, – sqaroi Hyka. /Panorama
