Nga dita e sotme në qarkullim do të jenë edhe kartëmonedhat 100 dhe 200 euroshe. Kartmonedhat e reja kanë të integruar elementë të fortë e të rinj sigurie, që i bëjnë kartëmonedhat më rezistente ndaj falsifikimit dhe më të lehta për tu kontrolluar.
Banka Qëndrore Europiane tha se kartëmonedhat e reja kanë të njëjtën lartësi me kartëmonedhën 50 euroshe dhe përshtaten mirë në kuleta.
Ato do të jenë në qarkullim në të gjithë eurozonën, dhe krahasuar me paraardhëset janë më kompakte dhe më praktike si dhe ngjyrat e tyre janë më të shndritshme.
Kartëmonedhat e reja 100 dhe 200 euroshe, kompletojnë serinë Europa, që ka zëvendësuar gradualisht kartëmonedhat e para euro të lëshuara në 2002./Opinion.al
