Hungaria ka mbyllur kufirin e saj për qytetarët e disa shteteve, përfshi edhe Shqipërinë.
Qeveria e Budapestit njoftoi sot se rritja e rasteve në disa shtete në botë, ka bërë që hyrja në vend të kufizohet për banorët e vendeve afrikane, shumicës së vendeve aziatike dhe disa shtete europiane.
“Ne duhet të ruajmë veten, në mënyrë që virusi të mos sillet nga jashtë. Shkalla e infeksionit këtu po bie dhe ne duam ta mbajmë atë kështu”, tha Gergely Gulyas, kreu i kabinetit të kryeministrit Viktor Orban, para gazetarëve.
Nga kjo masë e re preken vendet afrikane dhe aziatike, me përjashtim të Kinës dhe Japonisë
Në Europë, masa vlen për Shqipërinë, Bosnjë-Hercegovinën, Maqedoninë e Veriut, Kosovën, Bjellorusinë, Malin e Zi dhe Ukrainën.
Mbyllja e kufirit për këta shtetas do të hyjë në fuqi që prej mesnatës së ditës së martë. /Opinion.al
