Ideja për një gardh kufitar midis Shqipërisë dhe Malit të Zi publikuar pak kohë më parë nga “Reuters” duket se po konkretizohet.
Hungaria ka vendosur t’i dhurojë Malit të Zi një gardh kufitar prej 25 km për të frenuar emigrantët që vijnë nga Shqipëria.
Mediat hungareze shkruajnë se ministri i Jashtëm hungarez, Péter Szijjártó i ka ofruar ndihmë Podgoricës, ndërsa flitet për një valë të re emigrantësh nga Turqia dhe Greqia drejt Evropës Perëndimore.
Sipas mediave hungareze, drejtuesit e policisë tashmë kanë rënë dakord të ofrojnë 25 km gardh për të mbrojtur pjesën më të rrezikuar të kufirit malazezo-shqiptar dhe për të ndaluar imigracionin e paligjshëm
Ministri i Jashtëm i Malit të Zi, Srdjan Darmanoviç tha se qeveria malazeze është gati të mbrojë vendin e saj kundër valës së emigracionit të paligjshëm. Hungaria e mbështet këtë, sepse sipas Szijjártó, është në interes të Budapestit që pala malazeze të mbrojë kufijtë e vet.
“Hungaria është e gatshme t’i japë Malit të Zi të gjithë ndihmën, për të mbrojtur kufirin e saj jugor“, tha Szijjártó./oranews/
