Humbja ndaj Egnatias e çon Dinamon në kategorinë e parë, një fakt që ka shkaktuar reagim edhe tek tifozët. Teksa ekipi ka dalë nga stadiumi për t’iu drejtuar autobusit që do t’i kthente blutë në kryeqytet, është përballur me furinë e ultrasve të skuadrës.
Sikurse bën me dije Panoramasport, ata kanë kërkuar llogari tek futbollistët duke mos i lejuar të niseshin drejt kryeqytetit pa nxjerrë “përgjegjësit” e kësaj situate.
Pas disa minutave diskutime, lojtarët janë kthyer sërish në ambientet e brendshme të stadiumit, ku është zhvilluar një mbledhje mes stafit teknik, drejtuesve dhe futbollistëve.
