Ernest Gjoka nuk do të jetë më trajner i Kamzës. Pas humbjes ndaj Kastriotit dhe problemeve të vazhdueshme financiare në këtë ekip, Gjoka ka vendosur të largohet.
“Zyrtare, pas ndeshjes trajneri Ernest Gjoka është dorëhequr nga skuadra. I urojmë suksese trajnerit në karrierën e tij. Bashkëpunimi ynë është mbyllur këtu”, shkruan klubi i Kamzës në postimin në Facebook.
Sot Kamza humbi 1-0, me një gol të pësuar në minutën e 93 nga Kastrioti. Ekipi është në vendin e fundit të Superligës me vetëm 16 pikë, ndaj kushdo që do të marrë drejtimin pas Ernest Gjokës do të ketë një sfidë të fortë përpara.
