Partia Demokratike pësoi një humbje të rëndë në zgjedhjet e pjesshme të 6 marsit duke mos marrë asnjë nga 6 bashkitë. Madje PD në 5 bashki doli forcë e tretë, ndërsa në 1 bashki doli forcë e dytë. Kjo solli sërish përçarja në PD, ku shumë deputetë i kërkuan kreut të PD, Lulzim Bashës, dorëheqjen.
Pas shpalljes së rezultateve të zgjedhjeve, Basha ka mbledhur grupin e deputetëve dhe Kolegjin e Kryetarëve në selinë blu. Ndërsa pritet që të shtunën ai të zhvilloi mbledhjen e grupit Parlamentar të PD.
Burime për Opinion.al bënë të ditur se të shtunën në orën 11:00 do të mblidhet grupi Parlamentar i Partisë Demokratike dhe besohet se fokusi i bisedimeve do të jetë sërish humbja e zgjedhjeve të pjesshme të 6 marsit.
Në mbledhjen maratonë të së hënës pati diskutime të forta dhe shumica e deputetëve kërkuan dorëheqjen e Bashës./Opinion.al
