Orët e ardhshme do të jenë vendimtare për Julen Lopeteguit në Real Madrid. Kjo pasi Florentino Perez nesër ka në plan të diskutojë për situatën në klub me bordin, dhe nëse vendoset shkarkimi i spanjollit atëherë pasardhësi i tij do të jetë, Antonio Conte.
Italiani mund të arrijë në Madrid të hënën, por në rast të ndonjë vonese detyrën do ta ushtrojë trajneri i Castillas, Solari, njofton Marca.
Gjendja brenda Los Blancos është aq e tensionuar sa Perez pas humbjes 5-1 ndaj Barcelonës nuk ka shkuar fare në dhomën e zhveshjes, gjë që ai e bën gjithmonë.
Shkarkimi i Lopeteguit ka qenë temë në mediat evropiane në një kohë të gjatë, pasi kriza e kampionëve evropian është thelluar shumë.
