Është liruar nga detyra Konsulli Shqiptar në Janinë, Pervin Gjikuria, ndërsa ndaj ambasadores shqiptare në Greqi Adriana Hobdari është marrë masë disiplinore. Këto janë vendimet e Ministrisë së Jashtme pas skandalit të humbjes së 100 pasaportave shqiptare në Greqi.
Një muaj më parë, gjatë transportit në Greqi humbën 100 pasaporta që Ministria jonë e Jashtme i dërgoi për emigrantët në shtetin fqinj. Fillimisht ato u ndaluan në Kakavijë, pasi autoritetet greke pretendonin se transporti po bëhej në shkelje të procedurave ligjore.
Më pas, makina diplomatike shqiptare u vandalizua në një lagje të Athinës, prej nga u morën edhe 100 pasaportat. Sipas Ministrisë së Jashtme, pasaportat po transportoheshin nga Konsulli i Shqipërisë në Janinë, Pervin Gjikuria./Opinion.al
