“Humbja 7-1 me Gjermaninë? Nuk do ndryshoja asgjë”

Humbja e rëndë 7-1 e pësuar në Botërorin e 2014-ës kundër Gjermanisë nuk do të harrohet kurrë nga lojtarët e Brazilit dhe nga tifozët e “Seleçaos”. Ish-trajneri i asaj skuadre, Felipe Scolari, në një intervistë të dhënë për të përditshmen “Folha de Sao Paulo” është kthyer të flasë për ndeshjen famëkeqe (për brazilianët) të luajtur në Belo Hoirzonte: “Ajo kundër Gjermanisë ka qenë një humbje e tmerrshme, për të cilën derdhen akoma lot sot. Kam kaluar shumë ditë të këqija, por jeta vazhdon. At ditë na duheshin Thiago Silva dhe Neymar, gjithçka ka shkuar keq, por nuk do të ndryshoja asgjë nga zgjedhjet që kam bërë. Trajneri i ri Tite? Po bën një punë shumë të mirë, ka ndryshuar personalitetin e skuadrës, ambientit, ka një grup të mirë organizuar dhe janë në rrugën e duhur”, ka thënë Skolari.
Brazili ka hedhur një hap tjetër drejt kualifikimit për në Rusi 2018-të pasi ka mundur 4-1 UIruguain në transfertë të premten e kaluar. kur kanë mbetur edhe pesë ndeshje për t’u luajtur në grupin e Amerikës së Jugut, verdhjeshilët kryesojnë me 30 pikë, shtatë më shumë se skuadra e vendit të dytë. Ndeshjen e radhës, lojtarët e Tites do ta zhvillojnë më 29 mars kur do të presin në shtëpi kombëtaren e Paraguait, që ndodhen në vendin e shtatë në renditje me 18 pikë të grumbulluara.