Ish-kryeministrja e Finlandës, Sanna Marin, do të japë dorëheqjen si kryetare e Partisë së saj Social Demokrate pas humbjes në zgjedhjet parlamentare fundjavën e kaluar.
Në një deklaratë për gazetarët në Helsinki, Marin tha se ajo ka vendosur të mos vazhdojë si kryetare partie dhe ka refuzuar kandidaturën për presidente, pasi pranoi humbjen në zgjedhjet e zhvilluara.
Ajo vuri në dukje se planifikon të kthehet në parlament, duke mbajtur mandatin e deputetes.
Kujtojmë se Partia Socialdemokrate humbi në votimet e të djelës në një garë elektorale, ku partia e ish-kryeministres doli e treta me 19.9%.
Kryeministri i ardhshëm i vendit, siç tregoi edhe rezultati i zgjedhjeve do të jetë Petri Orpo, kreu i partisë së qendrës së djathtë “Aleanca Kombëtare”, i cili fitoi 20.8%, të votave./Opinion.al
