Tre vjeçari Haidar, i cili në nëntor humbi prindërit në bombardimet në Beirut, ka realizuar ëndrrën e tij duke takuar yllin e Real Madridit, Cristiano Ronaldon.
Vogëlushi, i cili është tifoz i Real Madridit, është ftuar nga presidenti Florentino Perez në Santiago Bernabeu ku gjithashtu i është dhënë një fanellë nga i pari i Los Blancos, shkruhet në uebfaqen zyrtare të Realit.
Pas sulmit brutal në kryeqytetin libanez muajin e kaluar, historia e Haidarit i cili u fotografua me fanellën e Reali Madridit pasi i mbijetoi masakrës, tërhoqi shumë vëmendje.
Dhe qe atëherë, klubi ka bërë përpjekje që të bie në kontakt me djaloshin për t’ia plotësuar ëndrrën që të takohet me Cristiano Ronaldon dhe ta vizitojë Bernabeun.
Të dielën, Haidari do të jetë në Santiago Bernabeu për ta shikuar ndeshjen me Rayo Vallecanon, shkruhet në uebfaqen e Realit.
