Sociale

Humbi nënën nga Covid, Jonida Shehu: Shtyrja e kohës së vaksinës ishte një gabim


Bëhu pjesë e Grupit Zyrtar të Opinion.al
>> KËTU <<
               Publikuar në : 09:44 - 24/10/21 |
Opi Nion

Gazetarja Jonida Shehu humbi pak kohë më parë nënën e saj si pasojë e Covid 19. Ajo përcjell sot një video mesazh të cilin e ka ndarë në rrjetet sociale edhe Ministrja e Shëndetësisë Ogerta Manastirliu. Në mesazhin e saj, ndër të tjera Shehu shprehet se shtyrja e kohës së vaksinës ishte një gabim dhe se ajo kurr nuk e kishte menduar që nëna e saj do të ikte nga Covid.

“Është shumë e freskët koha e këtij COVID-i fatal në familjen tonë. Në të gjitha mendimet që më vijnë këto ditë pas ikjes së mamit është vetëm një konstante, që asnjëherë unë nuk mendova që do të ikte nga COVID-19.

Pas nënës time unë kam pasur në familje edhe njerëz të tjerë që janë infektuar, që për fat të mirë ishin vaksinuar, nuk e kaluan të thjeshtë COVID-in, por sot janë! Dhe kjo më mjafton për të menduar që shtyja e kohës së vaksinës ishte besoj një gabim”, rrëfen Jonida Shehu.

Duke treguar eksperiencen e saj familjare, gazetarja u bën thirrje qytetarëve të vaksinohen ndaj COVID-19 sa më parë.

“Mundësia që vaksina të të shtojë qoftë edhe një përqindje pro armëve të tua në raport me virusin, duke marrë parasysh se sa i tmerrshëm është dhe se sa i paparashikuar është ai, ja vlen! Nuk është nesër koha e duhur, është sot ose dje nëse mundesh. Mbase, mbase gjërat do të kishin rrjedhur ndryshe nëse do ta kisha menduar kështu para pak muajsh”, tregon Shehu.

Ministria e Shëndetësisë dhe Mbrojtjes Sociale ka nisur një fushatë ndërgjegjësimi për të rritur me tej sensibilizimin për rëndësinë e vaksinimit

ndaj COVID-19./Opinion.al

Pas