Anita Alvarez ,notarja që i ra të fikët dy ditë më parë në kampionatin botëror të notit nuk mund të rikthehet të garë për në fazën finale. Është ky vendimi I marrë së fundmi nga mjekët dhe Federata Ndërkombëtare e Notit.
Me anë të një njoftimi, ata nënvizuan se dhe pse gjendja e amerikanes është e mirë, për të mos rrezikuar shëndetin e saj është më mirë që ajo të rikthehet në shtëpi. Për Alvarez kjo nuk është herë e para që ajo humbet ndjenjat në një kompeticion, pasi dhe vitin e kaluar në Barcelonë kishte po të njëjtin problem.
Në fund të performancës së saj disa ditë më parë, Alvarez humbi ndjenjat dhe përfundoi në fund të pishinës. Trajnerja e saj ishte e para që u hodh në pishinë për ta nxjerrë nga uji.
