Një aksident ka ndodhur sot në aksin rrugor Librazhd-Elbasan, ku si pasojë ka mbetur i plagosur një 20-vjeçar.
Uniformat blu bëjnë me dije se aksidenti ka ndodhur rreth orës 12:00, ku shtetasi A. L., 20 vjeç, duke drejtuar automjetin tip “Benz”, dyshohet se ka humbur kontrollin e mjetit dhe ka dalë nga rruga.
Nga aksidenti i ndodhur është dëmtuar 20-vjeçari, i cili ndodhet nën kujdesin e mjekëve.
“Rreth orës 12:00, në aksin rrugor “Librazhd-Elbasan”, shtetasi A. L., 20 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e automjetit dhe automjeti ka dalë nga rruga.
Si pasojë e daljes së automjetit nga rruga është dëmtuar 20-vjeçari, i cili ndodhet në kujdesin e mjekëve”, tha policia.
Grupi hetimor ndodhet në vendngjarje dhe vijon punën për zbardhjen e rrethanave të këtij aksidenti./Opinion.al
