Komisioni Qendror i Zgjedhjeve ka hequr emrin e deputeti të ndjerë, Bashkim Fino, nga fleta e votimit në qarkun e Fierit.
Duke qenë se Kodi Zgjedhor nuk lejon ndryshime të kandidatëve pas regjistrimit, kryekomisioneri, Ilirian Celibashi, ka hartuar fletë votimi ku vendi i katërt që i përkiste të ndjerit Fino, është bosh. Kandidatët e tjerë do të ruajnë të njëjtat pozicione si më parë. Nëse votuesit do të vendosin kryq në ato hapësira të bardha, vota nuk llogaritet për askënd.
Bashkim Fino humbi jetën dy ditë më parë pasi nuk arriti të fitojë betejën me koronavirusin./Opinion.al
