Gruaja që gati u “thith” nga dritarja e avionit “SouthWest”, pasi një predhë e dalë nga shpërthimi i motorit e çau tërësisht dritaren ishte liderja e kompanisë “Wells Fargo”, Jennifer Riordan, 43 vjeçe, nënë e dy fëmijëve.
Ajo kthehej prej një udhëtimi pune nga New Yorku në Dallas, por me sa duket ky ishte edhe udhëtimi i fundit i jetës së saj.
Fatkeqësisht, pas uljes së detyruar në Pensilvani, ndonëse i është dhënë ndihma e parë ajo nuk ka mundur të mbijetojë. “Daily Mail” ka raportuar vdekjen e ekzekutives dhe dëshmi që tregojnë se pas shpërthimit ajo e kishte pothuajse komplet jashtë avionit, ndërsa udhëtarët tërësisht të dëshpëruar u munduan ta fusnin brenda avionit.
Momentet e tmerrit dhe panikut i kanë ende të freskëta 148 pasagjerët e tjerë të avionit. Autoritet konfirmuan gjithashtu se përveç zonjës në fjalë, u plagosën edhe 7 pasagjerë të tjerë. Pas uljes, autoritet evidentuan se avioni nuk kishte marrë flakë, por një pjesë e tij mungonte, pas shpërthimit.
Kryetari i Bashkisë i Albuquerque, Tim Keller shprehu ngushëllimet e tij për humbjen e një gruaje të mrekullueshme dhe frymëzuese për këdo. Ai tha se Jennifer Riordan do të mbahet mënd si një lidere që kishte shumë për ti dhënë këtij qyteti. Në përfundim të deklaratës së tij ai kërkoi që të respektohet privatësia e familjes në një rast të tillë.
