Ledjan Imeraj, 17-vjeçari shqiptar që humbi jetën natën e ndërrimit të viteve në Itali, për shkak të një zjarri që ra në qendrën komunitare ku qëndronte do të prehet në atdhe.
Mediat italiane shkruajnë se Prokuroria e Udines ka dhënë lejen për largimin e trupit të djalit, dhe zhvillimit të ceremonisë mortore në vendin tonë. Autopsia e trupit të 17-vjeçarit është kryer javën e kaluar.
Orët e para të mëngjesit të 1 janarit, në ambientet e qendrës komunitare për të miturit ku qëndronte Ledjan Imeraj ra zjarr. Gjatë ndërhyrjes ekipet e shpëtimit arritën të shpëtonin e të nxirrnin 11 persona, 2 prej të cilëve mbetën të lënduar, por për 17-vjeçarin shqiptar ishte shumë vonë. Trupi i pa jetë i tij u gjet në dhomën e gjumit./Opinion.al
