Lëndën shpërthyese për të montuar mina, Gentian Hoxha e siguronte në Fushë-Krujë. Hoxha humbi gishtat kur dy ditë më parë, në dyqanin që kishte marrë me qera pranë Ambasadës Amerikane, 34-vjeçarit i shpërtheu në dorë një celular të cilit po i montonte një minë.
Mësohet se Gentian Hoxha është marrë edhe më parë me montimin e lëndëve plasëse në celular, dhe se dyqanin e kishte marrë me qera për të kamufluar punën që bënte.
Grupi hetimor ka dërguar në Policinë Shkencore materialet e gjetura në biznesin e Hoxhës, si: laptop, detonator, kapsolla, fitil zjarr përcjellës, dhe lëndë shpërthyese e llojit tritol.
